知識分享
行街執到錢點樣開心D？
4個啟示
之前問過大家以下情況，你邊個開心些?
（A) 今日行街執到$1000
（B) 今日行街執到$500，明日行街又執到$500
（A）or（B）開心些？
再問你，以下邊個傷心些？
（C) 今日打開銀包，唔見了$1000
（D) 今日打開銀包唔見了$500，明日打開銀包又唔見多了$500
(C) or (D) 傷心些？
根據Harvard Professor Deepak Malholtra 在課堂內的分享，答案是 (B) and (D)。和大部份你們的
答案一樣。
Professor 指出，(B) 執到$500兩次，比執到$1000 一次的開心總和是多一半。
同樣（D)唔見$500兩次，也是比唔見$1000一次的傷心程度多一半，因為前者令你更憂慮是否
持續下去。
以上指出一個定律：
Law of Big Loss and Small Gains , 在企業管理上應把「好嘢分開，衰嘢集中」。
啟示（1）
如果是好消息：分開講，效果會更開心。
例如，同員工今日講升職、明天講加人工、後天講加福利、大後天講加多兩天有薪年假。好
過一次過講晒。
例如，同顧客今日講產品有九折、明天講有禮品送、後天講延長保養期、大後天講免費送
貨。正面效果會更大。
啟示（2）
如果是壞消息：一次過，效果會冇咁傷心。
例如，同員工一次過講要減人工、降職、減福利及減年假。好過分開幾次講。
例如，同顧客一次過講他的來貨遲到了、有缺陷、及加了價，也好過分開講。
千萬不要每天都有壞消息，應一次過 "Bullet to the Head"
啟示（3）
如果是好消息：不需要有預告，suprise 更加好
例如，如果我同你講明天你行街會發財。結果你執到$1000，你可能會覺得「扯....咁少！」反
而失望！唔講更好。
啟示（4）
如果是壞消息：預告越衰越好，但結果未必咁衰
例如，如果我同你講明天你有個「劫」，要破「大財」擋「大災」。最終你打開銀包少了
$1000，你可能會覺得「好彩！仲以為會更傷得入肉！」反而是個驚喜，而你變得開心。
以上4個啟示對老闆、上司、下屬、同事、顧客、供應商也是同樣道理。
當然，執到錢應攞去差館，但開心下都好。
